L'INTENT
L'associaziun CHANTUN DA CULTURA GRISCHUN è ina reuniun d'associaziuns e d'instituziuns culturalas sco era da persunas activas sin il champ cultural e da persunas interessadas a la cultura da differentas spartas che s'engascha per rinforzar la rolla da la cultura grischuna.
L'intent è da mantegnair, da meglierar e d'amplifitgar las cundiziuns da basa da la lavur culturala e da las persunas activas sin il champ cultural. Plinavant ha l'associaziun la finamira da sensibilisar la populaziun per fatgs culturals, da promover il barat d'infurmaziuns en la scena culturala e d'intermediar ils interess politic-culturals a purtadras e purtaders da decisiuns en la politica, l'administraziun e l'economia. La nova associaziun sustegna a moda consultativa purtadras e purtaders da decisiuns en la politica, l'economia ed il turissem e stat a disposiziun sco partenari da contact spezialmain en connex cun il svilup da la nova strategia da promoziun dal chantun Grischun.
COMMEMBERS FUNDATURS.
Giovanni Netzer (Origen), Luciano Fasciati (Gallaria Luciano Fasciati), Andreas Gabriel (Lia Rumantscha), Quirina Lechmann (Konzertstudio Cuira), Felix Dietrich (Hotel Waldhaus Sils) , Gianin Conrad (Visarte GR), Ute Haferburg (Teater Cuira), Nikolaus Schmid (ACT), Max Buchli (Associaziun grischuna da jodladers), Lucretia Bärtsch (Uniun chantunala da chant dal Grischun), Roman Weishaupt (Teater Giuven Grischun), Andri Perl (Associaziun da las scolas da chant e da musica dal Grischun), Sandra Locher Benguerel (cumissiun dal Cussegl grond per furmaziun e cultura), Lukas Bardill (Visarte GR), Gaby Thomann (cumissiun dal Cussegl grond per furmaziun e cultura), Georg Jäger (Institut grischun per la perscrutaziun da la cultura), Christian Klucker (ensembel vocal Incantanti), Jacqueline Giger Cahannes (Kammerphilharmonie GR), Karin Niederberger (Associaziun federala da jodladers)), Pascal Werner (Fundaziun grischuna per la fotografia), Angela Buxhofer (Cultura Arosa), Hedi Senteler (Biro cultural Prättigau), Laetizia Christoffel (Museums GR)
STATUTS.
DAVENTAR COMMEMBER.
Represchentants d'associaziuns e d'instituziuns culturalas sco era persunas activas sin il champ cultural e persunas interessadas a la cultura pon daventar commember.
I dat commembers activs e passivs.
-
Commembers activs èn per regla represchentants d'associaziuns e d'instituziuns.
-
La contribuziun importa CHF 222.–
-
-
Commembers passivs èn per regla persunas singulas che sustegnan nus. Ins po er esser commember passiv, sch'ins è en in'associaziun ch'è gia commembra activa.
-
La contribuziun importa CHF 22.–
-
La suprastanza decida davart dumondas d'admissiun.
Agiuntai a la registraziun sin la pagina-web in messadi, sche Vus vulais esser commember activ u passiv ed eventualmain tge associaziun/instituziun che Vus represchentais.
Grazia fitg per Voss engaschament!
Communablamain per la cultura.